நாடளாவிய ஊரடங்கு சட்டமும் – கைதுகளும்!!

கொரோனா தொற்றை கட்டுபடுத்தும் நோக்கில் நாடு முழுவதும் அமுல்படுத்தப்பட்டுள்ள ஊரடங்கு சட்டம் தொடர்ந்தும் அமுலில் உள்ளது.

குறிப்பாக அவதானத்திற்குரிய வலயமாக அறிவிக்கப்பட்ட கொழும்பு, கம்பஹா, களுத்துறை மற்றும் யாழ்ப்பாணம் மாவட்டங்களில் அமுல்படுத்தப்பட்டுள்ள ஊரடங்கு சட்டம் மறு அறிவித்தல் வரை நீடிப்பதற்கு முன்னர் அரசாங்கம் நடவடிக்கை எடுத்திருந்தது.

ஏனைய மாவட்டங்களில் நாளை காலை 6 மணிக்கு ஊரடங்கு சட்டம் தற்காலிகமாக தளர்த்தப்பட்டு பிற்பகல் 2 மணிக்கு மீண்டும் அமுல்படுத்தப்படும் என்று அறிவிக்கப்பட்டுள்ளது.

இதேவேளை ஊரடங்கு சட்டம் அமுல்படுத்தப்பட்டுள்ள காலப்பகுதியில் அதனை மீறிய 5 ஆயிரத்து 704 பேர் பொலிஸாரால் கைது செய்யப்பட்டுள்ளனர்.

கடந்த 20 ஆம் திகதி மதியம் 12 மணிமுதல் நேற்று மாலை 6 மணி வரையான காலப்பகுதியில் இவர்கள் கைது செய்யப்பட்டுள்ளதாக பொலிஸ் ஊடகப்பிரிவு விடுத்துள்ள ஊடக அறிக்கையில் தெரிவிக்கப்பட்டுள்ளது.

அத்துடன் ஊரடங்கு சட்டத்தை மீறிய ஆயிரத்து 427 வாகனங்கள் குறித்த காலப்பகுதியில் கைப்பற்றப்பட்டுள்ளமை குறிப்பிடத்தக்கது.

Recommended For You

About the Author: Editor

error: Content is protected !!