யாழில் ஊரடங்கு சட்டம் மறு அறிவித்தல் வரை நீடிக்கிறது!!

வடக்கு மாகாணத்தில், நாளை ஏனைய மாவட்டங்களில் ஊரடங்குச் சட்டம் தளர்த்தப்படும் நிலையில், யாழ்ப்பாண மாவட்டத்தில், ஊரடங்குச் சட்டம் மறு அறிவித்தல் வரை நீடிக்கப்பட்டுள்ளது.

வடக்கு மாகாணத்தின், வவுனியா, மன்னார், கிளிநொச்சி, முல்லைத்தீவு மற்றும் யாழ்ப்பாணம் ஆகிய மாவட்டங்களில், அமுலில் உள்ள ஊரடங்குச் சட்டம் நாளை, 27 ஆம் திகதி காலை 6.00 மணிக்கு நீக்கப்பட இருந்தது.

எனினும் தற்போதைய நிலைமையை கருத்திற்கொண்டு, யாழ்ப்பாண மாவட்டத்திற்கு மட்டும், மறு அறிவித்தல் வரை அதனை நீடிப்பதற்கு அரசாங்கம் தீர்மானித்துள்ளதாக, ஜனாதிபதி ஊடகப் பிரிவு பணிப்பாளர் நாயகம் மொஹான் சமரநாயக்க அறிவித்துள்ளார்.

இந்த நிலையில், வடக்கு மாகாணத்தின், வவுனியா, மன்னார், கிளிநொச்சி, முல்லைத்தீவு மாவட்டங்களில், ஊரடங்குச் சட்டம் முன்னர் அறிவித்ததன் பிரகாரம் அமுல்படுத்தப்படும் எனவும், ஜனாதிபதி ஊடகப் பிரிவு பணிப்பாளர் நாயகம் குறிப்பிட்டுள்ளார்.

கொரோனா வைரஸ் பரவலை கருத்திற்கொண்டு, மிகவும் இடர் பிரதேசங்களாக அடையாளம் காணப்பட்டுள்ள, கொழும்பு, களுத்துறை மற்றும் கம்பஹா மாவட்டங்களில், அமுலில் உள்ள ஊரடங்கு சட்டம் தொடர்ந்தும் நடைமுறையில் இருக்கும்.

புத்தளம், வவுனியா, மன்னார், கிளிநொச்சி, முல்லைத்தீவு ஆகிய மாவட்டங்களில், தற்போது அமுலில் உள்ள ஊரடங்குச் சட்டம், நாளை, 27 ஆம் திகதி வெள்ளிக்கிழமை காலை 6.00 மணிக்கு தளர்த்தப்பட்டு, அன்றையதினம் பிற்பகல் 2.00 மணிக்கு மீண்டும் அமுல்படுத்தப்படும்.

இம் மாவட்டங்களில் மீண்டும் அமுல்படுத்தப்படும் ஊரடங்குச் சட்டம், எதிர்வரும் 30 ஆம் திகதி திங்கட்கிழமை 6.00 மணிக்கு நீக்கப்பட்டு, அன்றையதினம் பிற்பகல் 2.00 மணிக்கு மீண்டும் அமுல்படுத்தப்படும்.

ஊரடங்குச் சட்டம் அமுலில் உள்ள காலப் பகுதியில், மக்களுக்கு தேவையான உணவுப் பொருட்கள் மற்றும் ஏனைய பொருட்களை வீடுகளில் இருந்தே கொள்வனவு செய்யக் கூடிய வகையில், தொடர்ச்சியாக வழங்கலை மேற்கொள்ள, அரசாங்கம் சகல ஏற்பாடுகளையும் செய்துள்ளது.

நாடு முழுவதிலும், ஊரடங்குச் சட்டம் பற்றிய இந்த அறிவித்தலில் குறிப்பிடப்பட்டுள்ள நேரங்கள், மீண்டும் அறிவிக்கப்படும் வரை நடைமுறையில் இருக்கும் என, ஜனாதிபதி ஊடகப் பிரிவு பணிப்பாளர் நாயகம் மொஹான் சமரநாயக்க அறிவித்துள்ளார்.

Recommended For You

About the Author: Editor

error: Content is protected !!