தேர்தல் நிலையங்கள் விசேட கண்காணிப்பு

ஜனாதிபதி தேர்தலுக்காக தபால்மூலம் வாக்களிக்க தெரிவு செய்யப்பட்டுள்ள நிலையங்களில் விசேட கண்காணிப்பு நடவடிக்கை தெரிவித்துள்ளது

உப தபால் நிலையங்கள் மற்றும் பிரதான தபால் நிலையங்களுக்கு விசேட பொலிஸ் பாதுகாப்பு வழங்கப்பட்டுள்ளதாகவும் தபால்மா அதிபர் ரஞ்சித் ஆரியரத்ன தெரிவித்துள்ளார்.

வாக்குப்பதிவு இடம்பெறும் நிலையத்தின் பணிகளை கண்காணிக்கவும் மற்றும் நடமாடும் சேவையின் ஊடாக கண்காணிப்பு பணிகளை முன்னெடுக்கும் உத்தியோகத்தர்கள் நியமிக்கப்பட்டுள்ளதாக குறிப்பிடப்பட்டுள்ளது.

தபால்மூல வாக்களிப்பு எதிர்வரும் 31 ஆம் மற்றும் நவம்பர் 1 ஆம் திகதிகளில் இடம்பெறவுள்ளது குறிப்பிடத்தக்கது

மாவட்ட செயலகம், தேர்தல்கள் செயலகம் மற்றும் குறிப்பிட்ட பொலிஸ் நிலையங்களில் கடமையாற்றும் ஊழியர்களுக்கு தபால்மூலம் வாக்களிப்பதற்கான சந்தர்ப்பம் நவம்பர் மாதம் 4 ஆம் திகதி ஏற்படுத்திக் கொடுக்கப்பட்டுள்ளது.

குறிப்பிட்ட தினத்தில் வாக்களிக்க தவறுவோருக்கு எதிர்வரும் 7 ஆம் திகதி தத்தமது தொழில் நிறுவனம் அமைந்துள்ள மாவட்ட செயலகங்களில் வாக்களிக்க சர்தர்பம் ஏற்படுத்தி கொடுக்கப்பட்டுள்ளதாக தேர்தல்கள் ஆணைக்குழு தெரிவித்துள்ளது.

கூடுதலான தபால் மூல வாக்களர்கள் உள்ள இராணுவ முகாம், கல்வி நிறுவனங்கள், இலங்கை போக்குவரத்து சபை ஆகிய இடங்களில் தேர்தல் கண்காணிப்பாளர்களை பெருமளவில் ஈடுபடுத்த நடவடிக்கை எடுக்கப்பட்டுள்ளதாக தேர்தல்கள் ஆணைக்குழு கூறியுள்ளது.

தாபால் மூல வாக்களிப்பு நடைபெறும் தினங்களில் நாடு தழுவிய நடமாடும் சேவை ஒன்றை முன்னெடுக்கவும் தாபால் மூல வாக்களிப்பு இடம்பெறும் வாக்களிப்பு மத்திய நிலையங்களுக்கு விசேட பாதுகாப்பை வழங்கவும் நடவடிக்கை எடுக்கப்பட்டுள்ளது என தெரிவிக்கப்பட்டுள்ளது.

Recommended For You

About the Author: Editor

error: Content is protected !!